發up風

我想有部osim 呀，今日係公司好頭痛，係頭到頸到肩膀都痛，即刻諗起osim ，好想舒服下。

*****************

我呢，今日到五點半真係頂唔順，離開公司，落左街寄信透下氣，再死死地氣返公司。見到ｄ下班一族放工，真係好想放埋一份，不過點同呢，我地返十點，人地九點就要返到公司坐定定做野。雖然佢地五點半放工，但佢地個個都好攰咁既樣，好殘下。我心諗，其實做facial點會去女人既專利丫，女人叫做會買下ｄ護膚品保養下，但男人呢，好少會主動去keep，你估男人唔使keep住咩，我覺得男人承受壓力都唔細，唔保養下仲殘得快喎。

救命

我家姐為左搞個婚禮，勞民(即係我啦)同傷財，仲日日打電話俾我，每日起碼四個電話，諗到乜就打黎，驚唔記得又要想我記埋佢就打黎，無帶電話又搵我，屋企有乜餸食又搵我，星期六日有咩節目又問我，LM件婚紗靚唔靚又要搵埋我，如果我missed左個call，又再打黎，跟著阿媽又打黎話我做乜唔聽家姐電話。十二月九日同十一日快d到，快快搞埋單o野佢，我就黎支持唔住!

****************

公司既電話亦多到接都唔想接，點接呢，公司電話和手提電話一齊響，再加上街線。以我通常都唔會聽手提電話，由得佢落留言，唔想煩。但係老細ｄ電話又唔得唔聽，老細一直都係打我手提，聽唔切佢又會神經質咁再打黎話做乜唔聽電話。唉。

****************
今日電話又講到無電，我覺得ｏｋ架，成晚可以專心行街，無哂電話聲，係今晚我先覺得真正自由。（但家姐之後打黎搵我兩次囉）！！

***************
我都想搵一日直情熄左個手提，好多電話都係undesirable，由保險到電訊到屋企人到公司，嘩，真係煩到頭痛，唔係講笑，呢排成日頭痛，可能真係煩得滯。煩x100000000

看看戲(III)

《三峽好人》
煤礦工人韓三明從汾陽來到奉節，尋找他十六年未見的前妻，兩人在長江邊相會，彼此相望，決定重婚。女護士沈紅從太原來到奉節，尋找她兩年未歸的丈夫，他們在三峽大壩前相擁相抱，一隻舞後黯然分手，決定離婚。老縣城已經淹沒，新縣城還未蓋好，一些該拿起的要拿起，一些該捨棄的要捨棄。
賈樟柯視點：「這部電影有生命力，人物都處於生命狂歡狀態。這兩對夫婦，可以說是隱藏在普通人群中的力量，起碼是有行動的一類人，他們在凶險的生活面前不退縮，果斷地解決遇到的感情困惑，從某種意義上說是完美的生命。」
*第63屆威尼斯影展「金獅獎」得主 (2006)

來源 - www.cinema.com.hk

-----------------------------------------------------------------------------------
看人的情感綿綿，深厚而真摰。就算千山萬水，就算歷盡滄海桑田，我記得的還有你。

網誌延伸

大學同學T有新的網誌，講及去年幾位大學同學一起去宿營的事情，也令我想起一些快樂的片段。

1)我只有怪自己玩uno的技藝不夠純熟，以致不及兩位男同學，輸掉紙牌之餘更要當眾戴著兩位同學精心炮製"整色整水"的紙盒遊街示眾。面對旁人的目光，小朋友的題問，外國人的笑態。我那刻:好 想-死。

2)本來宿營沒有一覺好睡是預期之內，沒想到我在淩晨三時被孔武有力有力的男生強行拖出屋外!!!去踏單車囉!!只靠微弱的街燈去駕馭一部不合我高度的單車。好黑好大風好凍好新奇好難忘。

3)一早起來，到沙灘玩"大長碌"，無聊但好玩。

上一回合，我們的女同學沒有來，倒也在宿營期間想到她。

一想到工作

我記得去年的這個時候，工作量也是十分多，每每到晚上十一時才離開公司，有一天的晚上，看著同事相繼離開，而我則獨自在辦公室裏做QA，我呆著看電腦，面對堆滿文件和相當淩亂的寫字枱，難過得紅了雙眼，就伏在桌上哭，直到哭夠了才繼續工作。一年了，今年的這個時刻，我不用很晚放工，因為我不想再拼了，我身心皆累，然而又如何呢。情緒持續地低落。

這夜，我一想到工作，就感到一陣無奈與悵然，眼淚也就流下。

我要讓自己快樂起來，要努力地想。

出走

在公司忙，很忙很忙很忙。忙到想嘔，忙到想走。
假如我明天實在沉不住氣的時候，我就出走辦公室，我就出外透透氣。

Drained

Enough!I'm drained.