毫子

自從八逹通普及了，散紙都用少好多，毫子更加少。我逐漸發覺自己對毫子有d嫌棄。當每架小巴都設可以do卡的時候，有一些屋邨的小巴，例如本人居住的屋邨，還停留在石器時代，人手找贖，十分煩厭。

車資係$3.5，有時無散紙，俾十蚊，試過好多次，司機會找返六個一蚊，仲有五毫子，找番一個五毫子叫做好好彩。最煩既係小巴司機每次都係找番兩個兩毫，一個一毫俾我。我心諗，司機大佬係咪玩o野呢，家下買乜野要俾毫子呀。

收到之後真係會有d忟憎，同埋我會提住自己下次搭車要俾番哂個d毫子佢，唔係我點用得完d毫子呀!!!!