上星期六、日

1.
打羽毛球，幾個鐘。雙打制，輸了的一方要罰。我實在不想輸，結果大輸，我一共做了六十次sit up，完全想死，唔想再打球，應該話唔想再打輸球。沖完涼，作傷風。之後我仲唔知死，仲同同事去kfc度食炸雞!!!回到家，一個字，累。本來想即瞓，但瞓唔著，喉嚨赤痛，我起身o拍左兩粒幸福傷風素+ 一匙念慈奄枇杷膏，要好番呀，聽日仲要行山呀。

2.
一起身，嘩，八點五分，聽講我要九點去到荃灣地鐵站喎，點算??? 最重要係，我成個人作哂病啦，傷風加喉嚨痛，已經夠死啦，仲要遲起身喎!!! 好，唔緊要，死頂。有咩係解決唔到先，病之麻，或者行行下無事呢，哈哈，唔好理我，我都係貪玩個批人架啦。

行山，好天氣呀。但我成個人就唔好囉，病ed....

3.
仲要之後去香港藝術館睇我最想睇既 "Artists And Their Models,Masterpieces from the Centre Pompidou, Paris 大師對象巴黎龐比度中心珍藏展"，我真係好想睇，即使我病我都想去睇，可能因為我六月去巴黎個時無去度龐比度，所以個心都有d唔舒服，我以為要再買機票去架啦，點知依家有得睇，仲有個d展品係好少借出黎喎，咁機會難逢，點會錯過呢。

都幾多野睇喎，我成日係度望實幅畫，係度諗，究竟幅畫係咪真既呢? 嗯，我覺得有d畫都幾難明，話哂都係contemp既畫，我諗我話唔識睇都正常卦。我比較深刻既畫係 Robert Delaunay 既作品 "The Poet Phillippe Soupault"，有城市、窗子同最緊要既鐵塔，好沉鬱咁。另外個個回望既綠女人都好出色，我到而家仲記得佢。同埋終於睇到畢加索既畫，都算幾特別。

之後再去左睇齊白石的似與不似，嗯，佢一生醉心畫畫，由後生到老，到白髮蒼蒼之年，九十幾歲，都無放棄過畫畫，幾犀利呀。唔似我地喎，時刻都想退休。我好鍾意佢畫白菜，幾筆就活靈活現，另外佢畫雞啦，又係招牌作喎，畫山水呀，甚至係字晝。我睇番佢個時貼起門口d字，都幾串喎，佢寫到如果有人黎佢屋企只不過係為左探望佢太太就唔好再黎啦，又講到要佢賣畫減價係損人不利己的行為，佢唔會歡迎，另外佢又話加隻雞又幾錢，加條魚又要加幾錢，加花加草又幾錢，真係每分每毫都同你計清楚。無計啦，佢真係惦喎，交到貨之餘仲要係超班喎，抵佢囂張啦。

4.
結果返到屋企逛瞓都無用。

5.
星期一返唔到工 - 病。