保持通話

我承認，我是為了古天樂，劉燁去看的。我只不過是為了看靚仔，我想令自己開心一些而矣。故事相當緊張刺激，我直情覺得古生既角色太過失真，但我都為他繼續幫人的心暗地裏為他加油，因為幫一個絕望的人是相當重要，就是側隱之心吧。然而古生可以為幫人而犠牲其生命裏重要的一部份都有點為他感到傷感。即使如此，我也不忘投入幾十架車連環撞車，又飛落水渠，又剷返落馬路，好勁喎，我覺得架車!!! 另外，我覺得張家輝同張兆輝都好搶眼喎，戲份唔多架但好出色喎，始終綠葉係呢套戲既角色好緊色，甚至可以話帶起成套戲。終於唔使睇到大S永遠咁優雅的造型，有少少面部表情咁，有進步架。

唔記得講，套戲都幾多人睇喎。話說早前同c小姐係諗住睇呢套喎，但成間mcl 德福係爆哂，一個位都無!!!! 但今次我醒啦，我睇早場，八點半起身，九點度去到戲院，賣完飛仲可以去食個早餐，幾好喎。

我坐側邊位，見隔離位阿姐都係一個人睇o者，完全覺得連2毫子的壓力都無左。

成套戲緊張刺激又一氣呵成，好過買出奇蛋朱古力啦。