我的愛與惡

1. 最討厭不文明的事情，例如說謊。
2. 喜歡用文字來談心及談情。
3. 喜歡咬愛人的手臂，特別是手肘對上三吋、近老鼠仔附近，對遺下的齒痕感到沾沾自喜，有虐待別人的傾向吧。
4. 記性不錯，常記一些瑣碎如芝麻小事，朋友閒談時不能想起某些小事，我卻可以娓娓道來。
5. 由細到大都唔擅長表達自己既感情，我無法對愛人親口說一句我愛你，我刻意地把感情壓抑，我無法理解。同時我亦不擅長安慰哀傷的朋友。
6. 好恨有特別卡通人物的印章，最鍾意係張紙度勁印，好有快感。
7. 極容易有嘔心的感覺，在無何奈何的情況下要擠身於人多的密封環境必定令我相當唔舒服。
8. 擅長把藏於雪櫃的食物翻出來。我媽會把一些好吃的食物放在隱敝地方　（我覺得佢有ｄ怪），以免被我發現而通通吃掉。我卻可以以在很短的時間，大約比光速慢一點的時間把食物翻出來，然後我會在我媽面前緩緩經過，然後她會讚我有此異稟，實屬難得。簡單黎講，將我困係個島度，我應該可以頂到一段日子，無既，狂搵o野食。
9. 相當不喜歡BBQ，最憎叉住件雞翼係度白等，悶同熱已經令我卻步，所以個d用"俾下面啦"既理由叫我去既話，我通常會婉拒，做人已經煩，無謂再難為自己，然而室內韓國燒烤我又ok喎。
10. 鍾意食有咬口既食物，如橡皮糖、糖丸、糕類甜品，同時又鍾意滑口既豆腐花，最好係熱o既。仲有自創兩溝，涷豆漿溝涼粉，爽呀!

點名呢，就無謂啦，想寫就寫啦。