婦女新知

在快餐店中，我吃著早餐，看著書。

鄰座的太太們高談闊論，內容饒有趣味。

太太甲 - 結左婚求咩呢，無架，希望家人平平安安，齊齊整整。

太太乙 - 係呀，食又食得幾多丫，有錢人都係咁過啦，餐餐山珍海錯都會悶啦

太太甲 - 我有個朋友，佢個女未畢業就跟左個男人，激到個阿媽死咁滯。朋友生日，個女買左香水俾佢，成500蚊，寧願個女俾500蚊買野食啦。算啦，至少個女有佢心。但係個男人對佢個女又係真心喎，對佢個女不知幾好，結左婚，婚後仲使唔使做ｏ野呀佢個女，仲生左一仔一女啦。真係好命。

太太乙 - 係呀，有時命呢ｄ好難講，都算佢好命啦。

*************************************************************************************
命真係好難講，好醜命生成。

幸福與否，可以爭取，不可強求，只能低頭，說著這是命。