總之

其實你面目可憎，詞彙貧乏之餘又理據缺乏。如果你每事每物都要問到水落石出，每事事物都要不合情理的小心謹慎，其實我想講，你人品低劣之餘工作效率又奇差，你不如返屋企__啦，你完全唔適合商業運作，或者你不如__啦。

點搞

自從俾個_ ＿搞到神經衰弱，我走左去尖房度，唔好以為我去做運動，我無力，散哂。我只不過去沖個涼洗個頭，然後去整個steam and sauna，我係度諗，我究竟要點做呢? 到換完衫吹頭時，我發覺原來我返工個樣好殘，梳洗一頓，成個樣好似真係似番個人。心諗，我仲想捱乜呢？你話返工唔係賣才能，係鬥陰濕，鬥殘格。無，個個＿＿就好似大長今個崔尚宮咁，害人唔使本ｏ者。我心諗，睇你玩到幾耐囉，做人做到咁陰質。

故事再繼續

有人同我講，如果交唔切份tender，你唔好喊喎!

OK, 我實做到。

我俾粒星你添。

心理狀況

我心理狀況:

好像有人用刀殺死我，然後問我你無事呀o麻，然後同我講我唔係有心o架，你唔好咁痛啦。

係啦，我實唔痛啦, 我實無事。d 人都傻傻地。

其實, 我只不過

其實我只不過:

1)洗碗時，煲蓋跌下，腳踝受傷
2) 趕死線，落街截的士，大雨無帶傘之餘，用身體遮住份文件，成個傻婆
3) 好啦, 截到啦，仲有個男人同我爭的士，你好o野, 正一賤佬
4) 屋企未搞好個水利工程
5) 乜都唔想做

Career - cont'd

好比機動部隊，經過一輪衝鋒陷陣，我感到好一陣的暈眩，再下去，也只會落得五癆七傷。

我沒有本事打敗任何人，我只是在想我希望每天我能作息正常。

我的信念: 人在做，天在看。

也籠統地說: 他朝君體也相同。

入神

只有上那法文課，我才可以認認真真地放下自己，放下工作。

我心情很差、工作很爛、瑣事很多，整個人重甸甸。

一進那課室，我對自己說，要專心，是來學習。

不一會，我發覺我無法專心，我靠在窗旁，感到很亮。我對著窗一望，那商廈，我看到，我看到煙花，很美，很耀眼，我看得入了神，我把課放在一旁，心裏想是什麼良辰吉日呢，為何會放煙花？我想到黎明的"玻璃之城"，我突然很想你在旁和我去看一看那難得的煙花。真的，我要如何告訴你我對那煙花的感覺，我簡直不能自拔，我捨不得轉移視綫到我的法文課。之後的上課時間，我無心裝載，看著老師，我看到煙火。你可以知道我的課是如何槽透。

縱使煙火一閃即逝，那耀眼的光輝仍留下，久久不散，在我心的某個角落。