一月三十日(星期三)

早上在下午一點半致電叫我到數碼港開會

上司: 喂，陣間要去數碼港開會喎

我: ?

上司: 你唔知咩，我咪叫左甲同事叫你喎，佢無叫你咩?

我: 無喎

上司: 有無搞錯呀，叫左你今朝叫埋你去架啦，離哂譜既，咁你今日有咩做?

我: 我要去abc度開會

上司: (火都黎) 咁你叫佢聽電話

我: (飛左條線俾甲同事)

甲同事: 乜上司無叫你開會咩, 我以為佢叫你乍，你有乜搞呀

我: 咪去abc度開會囉，約左好耐啦

甲同事:……

我覺得成件事都係溝通問題，上司以為甲同事會同我交待，但甲同事又以為上司有向我提及，原來，到最後，我是完全蒙在鼓裏的。
下午四時到abc客人處開會，當中有客人、有顧問。那個顧問，很討人厭，說話時分開幾次來說，以為自己說得很有層次，其次把同一樣事情說了又說，浪費時間。唉。

差不多六時廿分才散會。再一次，約R吃飯。今次我們到銅鑼灣Sogo caf，因為Sogo 信用咭的生日優惠。點了東西吃，但隔離的男人實在有點奇怪…..初時，我以為鄰座的男人在和甚麼人說話，但原來不是，他是和空氣談話。救命，那個男人精神應該有點問題，自言自語之餘，又拿著幾張紙幣出來說: 阿甲給我六千元，我找回一千元，哈哈…..我同你講……下刪一萬字。侍應以為他想埋單，但那男人說他未走的，還點了雪糕和三文治，還說他的同伴在途中!!!!!其實Sogo caf 的食物真的不錯，然而那男人的談話內容以及聲浪把我的頭都弄疼了，唯有快快離開了。